معاون شورای ولایتی غور در پی انفجار ماین مقناطیسی جان باخت

15 Dec 2020

۲۵ قوس ۱۳۹۹

منابع امنیتی ولایت غور امروز ( سه شنبه، ۲۵قوس۱۳۹۹خورشیدی ) از انفجار ماین مقناطیسی بالای موتر حامل اعضای شورای ولایتی این ولایت خبر می‌دهند.

عبدالمعروف رامش سخنگوی پولیس ولایت غور به چاپار با تایید این خبر می‌گوید: حوالی ساعت ۱۲:۵۰چاشت امروز یک حلقه ماین مقناطیسی در شهر فیروزکوه ولایت غور، بالای موترحامل اعضای شورای ولایتی انفجار نمود؛ در نتیجه عبدالرحمان عطشان معاون شورای ولایتی این ولایت، کشته و دو تن به‌شمول عبدالرحیم رضا‌زاده، عضو شورای ولایتی با یک دریور شان زخمی شده‌اند.

سخنگوی پولیس ولایت غور می‌افزاید: زخمیان این رویداد، به شفاخانه ولایتی این ولایت انتقال یافته است.

این درحالیست مخالفین دولت درچندین ولایت کشور حملات و انفجاری‌شان را آغاز نموده که بیشتر تلفات این رویدادها کارمندان دولتی می‌باشند.



Skip to toolbar