داکتر عبدالله عبداالله به پاکستان سفر کرد

28 Sep 2020

۷ میزان ۱۳۹۹

 

داکتر عبدالله عبدالله رییس شورای عالی مصالحهٔ ملی صبح امروز(دوشنبه، 7 میزان ۱۳۹۹) به دعوت رسمی عمران‌خان صدراعظم پاکستان  در رأس یک هیأت بلندپایهٔ دولت افغانستان به اسلام آباد سفر کرد .

در این سفر، رییس شورای عالی مصالحهٔ ملی در پیوند به تلاش‌های صلح پایدار، با عزت و عادلانه در افغانستان با رهبران ارشد جمهوری اسلامی پاکستان بحث و تبادل نظر می‌کند.

داکتر عبدالله عبدالله، رییس شورای عالی مصالحهٔ ملی در جریان اقامت خود در  پاکستان با دکتور عارف علوی رییس‌ جمهور،  عمران‌خان صدراعظم، اسد قیصر رییس مجلس نمایندگان، محمد صادق سنجرانی رییس مجلس سنا،  شاه‌محمود قریشی وزیر امورخارجه، جنرال قمر جاوید باجوه رییس ستاد ارتش و سایر مقامات این کشور ملاقات می‎‌کند.

 

این نخستین سفر داکتر عبدالله عبدالله در یک دهۀ اخیر به پاکستان می‌ باشد.



Skip to toolbar