تیرباران سه غیرنظامی افغان توسط مرزبانان تاجکستانی

25 Dec 2019

۴جدی ۱۳۹۸

مقام‌های محلی در ولایت تخار در شمال کشور می‌گویند که مرزبانان تاجیکستان سه باشنده ولسوالی درقد این ولایت را هنگام عبور از مرز میان دو کشور، تیرباران کرده‌اند.

جواد هجری؛ سخنگوی والی تخار این رویداد را تایید کرده و گفته‌است که این سه نفر حوالی ساعت ۱۱ پیش از چاشت امروز، چهارشنبه، ۴ جدی هنگامی‌که می‌خواستند برای قطع جنگلات وارد مرز تاجیکستان شوند، از سوی مرزبانان تاجیکستان کشته شده‌اند.

به گفته این مقام محلی تخار، در این تیر اندازی دو نفر دیگر زخمی شده‌اند.
گفته می‌شود این افراد باشنده‌های قریه طاهری‌های ولسوالی درقد ولایت تخار بوده‌اند.

ولسوالی درقد تخار از ولسوالی‌های مرزی افغانستان با تاجیکستان است و دریای آمو مرز میان این دو کشور تعیین شده‌است و در دو طرف مرز جنگل‌های انبوهی نیز وجود دارد.



Skip to toolbar